Dzimwe nyanzvi munyaya dzezvekurima dzinoti kusungwa kuri kuitwa vanhu vari kunzi vakazvigarisa pamapurazi nemisha zvisiri pamutemo kuchatowedzera nyaya yekushomeka kwechikafu sezvo vari kutiza vachisiya zvipfuyo zvavo nezvirimwa.
Mapurisa anoti asunga vanhu zviuru zvitatu nemazana manomwe kana kuti 3, 700. Vamwe vakasungwa kuMasvingo vanoti vari kubhadhariswa zana remashora rekuamerica.
Vamwe vanhu vanodarika mazana mana vamiswa pamberi pedare muChipinge vachipomerwa mhosva yekuramba kutambira kurudziro yehurumende yekuti vabve panzvimbo yemadzitateguru avo kuti pavakwe dhorobha idzva.
Vamwe vakasungwa ku Matebeleland North, nekuMatebeleland South, ku Mutorashanga, Ku Masvingo ne kwa Gutu. Mumwe wevakasungwa ndiVaHenry Mukusha vekwa Bhuka kudunhu reMasvingo vanoti mangwana vamwe vavo vanosvika makumi mashanu vari kuenda kudare mangwana.
Forum