Chimwe chikwata chebato reMDC T chinotungamirwa naVaDouglas Mwonzora chadzinga basa meya weguta reChitungwiza VaLovemore Maiko.
Mutsamba iri mumaoko eStudio 7 yanyorerwa vakafanobata chigaro chamabharani mukuru weguta reChitungwiza kana kuti town clerk, Amai Evangelista Machona, negurukota rezvematunhu VaJuly Moyo, bato reMDC-T rakazivisa gurukota iri musi wa 1 Kurume kuti VaMaiko vainge vadzingwa mubato.
VaMoyo vakati VaMaiko vainge vasisiri kanzura weward 7 kutanga nemusi wa2 Kurume.
Hatina kukwanisa kubata sachigaro webato reMDC-T vaMorgen Komichi avo vange vasiri kudaira nharembozha yavo. Mutauriri webato iri VaWitness Dube havanawo kupindura mubviunzo watavatumira.
Asi VaMaiko vaudza Studio 7 kuti vatambidzwa tsamba iyi vakati vachaenderera mberi vachitsigira mutungamiri webato rinopikisa reCitizens Coalition for Change VaNelson Chamisa.
Facebook Forum