Mutungamiri wesangano revarairidzi reAmalgamated Rural Teachers Union of Zimbabwe VaObert Masaraure vanyimwa nhasi mukana wekubvisa mari yechibatiso pamhosva yekupesvedzera mhirizhonga yavari kupomerwa uye kuzvidza dare.
Vamasaraure vari kupomerwa mhosva yekuita izvi padandemutande retwitter mushure mekunge vaburitswa mutirongo pamhosva yavari kupomerwa yekuponda imwe nhengo yesangano ravo VaRoy issa muna 2016 vaina Vachere nevamwe vasiri kuzivikanwa vanonzi vari kutsvagwa nemapurisa.
Tsvakurudzo yakamboitwa nedare yakati vaIssa vainge vadonha kubva mumba yemudurikidzswa yechinomwe yehotera yejameson muharare. Asi vachuchisi vehurumende vanoti vave nehumbowo hutsva hwekuti vaIssa vakaurayiwa mushure mekunetsana nevamwe vavo vana mutumbi wavo ukazowanikwa muna Park Street.
Asi VaChere naVaMasaraure vari kuramba mhosva iyi. Mutevedzeri wemunyori mukuru weARTUZ VaMunyaradzi Masiiwa vanoti sangano ravo harizi kudzora tsvimbo, vacharamba vachirwira raramo irinani yevadzidzisi kusvika zvinhu zvanaka.
Facebook Forum