Mutungamiriri wenyika VaEmmerson Mnangagwa nhasi vaparura boka revarairiridzi vanozviti Teachers for Economic Development vachiti vakakatyamadzwa kunzwa kuti varairidzi vanovatsigira pamwe nehurumende yavo.
Vachitaura pagungano iri raungana kuHarare International Conference Centre VaMnangagwa vati zvakavatorera nguva kutenda kuti kune varairidzi vari kutsigira hurumende yavo
VaMnangagwa vati nekuda kwerutsigiro rwavapiwa nevarairidzi urwu zuva ranhasi hava rikanganwi. Vati hurumende yavo inokoshesa zvakanyanya varairidzi vachitiwo vatungamiriri vakaita sevashakabvu VaRobert Mugabe naVaJoshua Nkomo vaive varairidzi.
Mutungamiri wenyika ati varairidzi vanofanirwa kuramba zvekushandiswa neavo vavati imharadzi . Vakurudzirawo varairidzi kuti vatore mikana yekuvandudzawo hupfumi hwenyika kuburikidza nekuitawo mabhizimusi ane chekuita nezvavanodzidzisa. Vatiwo varairidzi vanofanirwa kuona kuti munyika mune kubata.
VaMnangagwa vazvirovawo dundundu vachiti hurumende yavo iri kusimudzira mabhizimusi anotangwa nezvikoro zvedzidzo yepamusoro.
Vatiwo kunyangwe hazvo kune zvirango zvehupfumi zvavati zvakatemerwa nyika vati vanofadzwa kuti zvirango izvi hazvimisi kushandiswa kwepfungwa izvo zvoita kuti hurumende yavo itange mabhizimusi vakabatana nezvikoro ekushadisa zvinowanikwa munyika kugadzira zvinhu zvakaita sesipo, zvekunwa nezvimwewo kubva mumuchero wemasawu pamwe nevarikugadzira zvekunwa kubva mumapfura.
Mumwe wevarongi vemusangano uyu vachitungamirira Teachers for Economic Development VaAmon Chihocha vati varairidzi vese vachange vachida kuva vave nhengo dzebandiko iri vachange vachitanga vaenda kuchikoro cheHerbert Chitepo Ideological Office icho chinova chikoro chinonzi nebato reZanuPF chinodzidzisa vanhu gwara remusangano.
Vachibvunzwa kuti saka zvinoreva kuti nhengo dzavo dzirikutsigira bato reZanu PF, vaChihocha vati
Kunyangwe hazvo vamwe vamiririri vevarairidzi nemapato anopikisa vanga vachinyunyuta negungano iri vachiti rinokanganisawo mazamanishoni ekupera kwegore arikunyorwa muzvikoro, VaChihocha vazviramba vachiti/….
Mumwe wevarairidzi vanga varipamusangano uyu Va…..vachiti vabva kwaMutoko vatiwo vauya nekuda vachiti vanotenderana nezvinangwa zvebandiko revaraidzi raparurwa iri.
Asi mutungamiri werimwe sangano revarairidzi reAlmagamated Rural Teachers Union of Zimbabwe, VaObert Masaraure vati vanoshungurudzika zvikuru nekuona vashandi vehurumende vachiita zvematongerwo enyika.
Vachinyorawo padandemutande reTwitter, mutauriri webato rinopikisa Muzvare Fadzayi Mahere vashora zvikuru gungano ranhasi vachiti uku kushandisa varairidzi mune zvematongerwo enyika. Vati varairidzi vanofanira kunge vachidzisa vana panguva ino kwete kubatana nehurumende kushandisa mari dzemitero yevanhu kuita zvematongerwo enyika.
Vachitaura pamusangano uyu gurukota rezvedzidzo yepasi Amai Evelyn Ndlovu vati bazi ravo rinotsigira zvakanyanya varairidzi ava vavati vanoda pundutso pamwe nekushanda pamwechete nehurumende mukuvandudza nyika.
Facebook Forum