Nhengo nhatu dzinorwira kodzero dzevanhu dzakasungwa kuBulawayo pazororo reUnity Day nemusi weChina dzapiwa mukana wekuve nemhuri dzadzo panguva ino yezororo reKisimusi mushure mekubvisiswa mari yechibatiso inoita zviuru makumi maviri zvemadhora emunyika pamunhu.
Vatatu ava, avo vanoti Muzvare Samkeliso Tshuma, VaMelusi Nyathi naVaThamsanqa Ncube, vakasungwa mushure mekuungana pachiumbwa chamushakabvu VaJoshua Nkomo, apo pavaikurudzira veruzhinji kuti vaungane varangarire vanhu vakashaya munguva yeGukurahundi.
Vatatu ava vanzi nedare vasakanganisa vafakazi, vagare pakero dzavakapa kudare, uye vanotarisirwa kudzoka kudare musi wa 20 Ndira gore rinouya.
Kusungwa kwavo kwakashoropodzwa nemasangano akawanda anorwira kodzero dzevanhu, anosanganisira reAmnesty International.
Facebook Forum