Wayne Ndlovu, mwana wepachikoro chepaFounders High chiri muBulawayo, uyo akabaiwa nemumwewo mwana wechikoro wepaHamilton High, anoradzikwa vakawanda vaungana vachiti rufu rwake rwunofanirwa kuita kuti nyika idzamise pfungwa nekutora matanho akasimba pamusoro pekushungurudzana kwevana muchikoro, inganzi muChirungu bullying.
Mutungamiri wenyika, VaEmmerson Mnangagwa vasimuka munyika vakananga kuAddis Ababa, kuEthiopia, kumusangano weAfrican Union wechimakumi matatu nenhanhatu, kana kuti 36th Ordinary Session of the AU Summit.
Mamwe masangano anorwira kodzero dzevanhu muMasvingo ari kuchema-chema kuti ari kurambidzwa kupinda mune mamwe maruwa kuti aite basa rawo nenhengo dzebato reZanu PF idzo dziri kuapomera mhosva yekunyengera vagari kuti vasavhotere bato riri kutonga pasarudzo dzegore rino idzo dzaswedera.
Dzimwe shirikadzi dzinosanganisira vaimbove madzimai evaimbove varwi vehondo yerusununguko, dziri kubviswa pamapurazi padzakanga dzagariswa patsva panongofa varume vadzo.
Muchirongwa chedu chemagitare chesvondo rino tinokupai hurukuro nemuimbi wenziyo dzeChitendero, anonzi Apostle Chosen Jaji. Apostle Jaji vakaberekerwa kuBuhera asi vave kugara muHarare nemudzimai wavo nevana vaviri. Nhasi vange vachiparura dambarefu ravo rinonzi “Hondo Mumakerereke.”
Nhasi muchirongwa chedu cheLiveTalk na8:00pm, tiri kutarisa nevzekuradzikwa kwemwana wechikoro Wayne Ndlovu, uyo akabaiwa nebanga nemumwe mwana wechikoro kuBulawayo svondo rino, uye kuti zvii zvingaitwa kupedza kushungurudzana kwevana muzvikoro, kana kuti bullying.
Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318.
Vanoda kutererera Studio7, tibateyi na7pm pamasaisai anoti 909 am 4930; 13860, 15460 Kilohertz paShort Wave mazuva ose.
Munokwanisawo kunzwa Studio7 na6 am - Muvhuro kusvika Chishanu, pamasaisai anoti 909 am, 6175, ne7255 Short Wave.
Facebook Forum