Accessibility links

Breaking News

Misiro yeNhau dzaNhasi, Chishanu, Kurume 03, 2023


Shona Headlines
Shona Headlines

Mumwe mukuru mubazi reAmerica rinoona nezvekudyidzana nenyika dzemuAfrica, kana kuti Deputy Assistant Secretary Bureau of African Affairs, anoti America ichabatsira masangano anoita kuti zvizvarwa zveZimbabwe zvizive kodzero dzazvo dzezvematongerwo enyika..

Chikwata cheku Russia chiri kushanya munyika chinovimbisa Zimbabwe kuti hapazombove nekukanganisika kuchaitika pakudyidza kwenyika mbiri idzi kungakonzerwe nehondo iri pakati perussia ne Ukraine..

Makanzura ebato rinopikisa reCCC edhorobha reMasvingo anoramba kuenda kumabiko ekuvhura zviri pamutemo kweimwe kiriniki achipokana nekukokwa kwemutevedzereri wemutungamiri webato reZanu PF, VaKembo Mohadi, semunyarikani ivo vasisiri muhurumende.

Pane kugunun’una kukuru pamusoro pekukwidzwa kuri kugara kuchiitwa mitengo yekushandisa masaisai kana kuti internet kuri kuitwa nemakambani enharembozha kana kuti Mobile Network Operators muChirungu vamwe vachiti izvi hazvikodzeri sezvo makambani aya ave kubhadharisa miripo yedhata nemari yekunze.

Vamwe vatyairi vemagonyeti anoenda kunze kwenyika anopfuura nemuZambia vochemachema nehuwori hwavanoti hwaawedzera panzvimbo dzinotariswa magwaro mumigwagwa yemunyika iyi, kana kuti ma “check point.”

Muchirongwa chedu chemagitare chesvondo rino tinokupai hurukuro nemuimbi wechidiki anonzi Desire Mudewe, uyo anoimba nziyo dzechitendero.

Muchirongwa cheLive Talk nhasi, tiri kutarisa kushanya munyika kwemumuwe Mukuru muhurumende yeAmerica pamwe nechikwata chekuRussia.

Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318.

Vanoda kutererera Studio7, tibateyi na7pm pamasaisai anoti 909 am 4930; 13860, 15460 Kilohertz paShort Wave mazuva ose.

Facebook Forum

XS
SM
MD
LG