Bato reMDC inotungamirirwa naVaDouglas Mwonzora, neChipiri rakakwira kudare repamusorosoro, reConstitutional Court, richida kuti dare iri rimanikidze Zimbabwe Electoral Commission, ZEC, kuti igadzire gwaro idzva rekutarwa kwematunhu, kukundikana kwazvo sarudzo dzmoira kuitwa.
Bato iri riri kudawo kuti dare iri rimise mutungamiri wenyika VaEmmerson Mnangagwa kutara zuva resarudzo kana pasati pave negwaro remiganho idzva rinoenderana nechikamu 161 chebumbiro remitemo yenyika.
Mugwaro rarakasvitswa kudare, bato reMDC rinoti gwaro rekutarwa kwematunhu rakaziviswa musi wa 20 Kukadzi naVaMnangagwa haripindirane nechikamu 161 chebumbiro remitemo yenyika.
Vakakwirirwa kumatare vanoti ZEC, mutungamiri wenyika, gurukota rezvemitemo pamwe negweta guru rehurumende, uye vapiwa mazuva mashanu ekuti vapikise danho reMDC iri.
Hatina kukwanisa kunzwa mativi evakwirirwa dare ava.
Facebook Forum