Prince Harry, mwanakomana waMambo Charles wechitatu vachangobva mukugadzwa humambo kuBritain anonzi akapotsa aita tsaona muNew York apo motokari yainge yakamutakura nemudzimai wake Meghan Markle kana kuti Duchess of sussex naAmai vake Amai Doria Ragland, vakadzingirirwa nevatori venhau.
Vatori venhau ava vanonzi vairamba vachidzingirira motokari yavo kwemaawa maviri zvakapa kuti papotse paita njodzi dzekubonderana kwemotokari. Prince Harry nemudzimai wake vakazokwanisa kutiza mushure mekupinda mune imwe motokari.
Vaviri ava vange vari kuNew York Kumabiko EMS. Foundation Women Of Vision Awards. Amai VaPrince Harry, Princess Diana vakafa kuFrance muna 1997 vachimhanyiswawo nevatori venhau.
Chizvarwa cheZimbabwe chiri ku New York, vari mukuru wesangano re Global Exchange Program VaInnocent Ndenda vaudza Studio 7 kuti haizi nyore kurarama hupenyu husiri pachena kana uri we mba ye humambo nekuti veruzhinji vanenge vachida kutevererea hupenyu hwako naizvozvo Prince Harry nemhuri yavo vanotogara vachitevererwa nevatori venhau nekuti nyaya dzavo dzinotengeseka muma pepa nhau ne ve ma radhiyo kana ma terevhizheni
Facebook Forum