Mutungamiri weNyika VaMnangagwa Vovimbisa Kuti Hurumende Yavo "Ichatora Matanho Ese Anodiwa" Kudzivirira Mutengi paNyaya yeMitengo

Mutungamiri wenyika, VaEmmerson Mnangagwa, neSvondo vakati hurumende "ichatora matanho ese anodiwa" kuchengetedza mutengi uye kuona kuti mitengo yagadzikana munyika.

Vachinyora mugwaro ravo resvondo rega rega mubepanhau reSunday mail, VaMnangagwa vakati hurumende inoziva kuti kune mamwe mabhizimisi ari kuramba mari yemunyika, kushandisa zvisirizvo hurongwa hwekutengesa mari yekunze uye kuendesa zvinhu kumisika mitema.

Vakatiwo mari yekunze inodarika mabhiriyoni gumi nerimwe chete emadhora eku America, kana kuti US$11 Billion yakawanikwa gore rapfuura, imari isati yambowanikwa uye yakawanda zvikuru kudarika mari inowanikwa nenyika dzakawanda mudunhu riri kuchamhembe kwegwenga reSahara, kana kuti Sub-Sharan Africa, asi izvi hazvina kuita kuti dhora remunyika rigadzikane.

Hatina kukwanisa kunzwa kumutauriri wavamnangagwa, VaGeorge charamba, sezvo nharembozha yavo yanga isingadairwi.

Asi nyanzvi yezvehupfumi vari mukuru wekambani yeUnderhill Corporate Solutions, VaEddie Mahembe, vanoti havaoni hurongwa uhu huine pundutso nekuti hakasi kekutanga kuita hurongwa hwekudzikamisa mitengo nemari yemunyika, uye kutora matanho kuvanhu vanonzi vanoshanda nenzira dzinorwisana nemarongero ehurumende panyaya dzemari yekunze idzi.

Embed share

Hurukuro na Dr Eddie Mahembe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:08 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player