Vaimbova mutevedzeri wemutungamiri wenyika yeAmerica VaMike Pence nezuro vakazivisa zviri pamutemo kuti vainge vapinda musarudzo dzebato ravo remaRepublicans dzekutsvaga acharimirira musarudzo dzemutungamiri wenyika gore rinouya.
Vachitaura mudunhu reIowa, VaPence vakashora vaimbova mutungamiri wenyika VaDonald Trump vari kukwikiwidzawo musarudzo dzemaprimary idzi vachiti havafanire kuvhoterwa sezvo vachida kuzviita sevari pamusoro pemutemo.
Mumwe akapindawo musarudzo idzi ndiVaChris Christie avo vaimbova gavhuna wedunhu reNew Jersey.
Vamwe vakatozivisa kuti vari kupinda musarudzo kusanganisira vaimbova mutungamiri wenyika VaDonald Trump, gavhuna weFlorida VaRon Desantis,
Amai Nikki Haley, VaRyan Binkley, VaLarry Elder, VaAsa Hutchinson, VaPerry Johnson, VaTim Scott naVaVivek Ramaswamy.
Anokunda musarudzo idzi anotarisirwa kukwikwidzana naVaJoe Biden vebato remaDemocrats musarudzo dziri kuitwa muna mbudzi gore rinouya
Facebook Forum