Komisheni inoona nezvesarudzo munyika yeZimbabwe Electoral Commission kana kuti ZEC inoti vari kuda kukwikwidz musarudzo dzemusi wa 23 Nyamavhuvhu vakasungunuka kuunza mapepa avo musi wa21 Chikumi uchagara dare rekutambira magwaro avo kana kuti Nomination Court risati ragara zviri pamutemo kuti aongororwe kugadzirisa zvinenge zvakanganisika.
Mutevedzeri wasachigaro veZEC, VaRodney Kiwa vaudza Studio 7 kuti kukurumidza kuendesa mapepa kuZEC kwakanaka pane kuda kuzoita chipata pata musi wekupedzisira.
Mukuru anoona nezvekubudiswa kwemashoko muZanu PF VaTafadzwa Mugwadi vati sezvo bato ravo rakatopedza kusarudza vachamiririra vakagadzirira kuitwa zviri kukurudzirwa neZEC.
Mashoko avaKiwa anouya panguva iyo mamwe mapato anopikisa munyika achiri mubishi rekutsvaga vachavamiririra
Mutevedzeri wemunyori anoona nezvesarudzo mubato rinopikisa reCitizens Coalition for Change, Amai Ellen Shiriyedenga vanoti vangosara nekugadzirisa zvinhu mudunhu reHarare chete.
Mukuru anoona nezvekubudiswa kwemashoko mubato reMovement for Democratic Change vaChengetai Guta vaudzawo Studio 7 kuti vachapedza hurongwa hwavo svondo rino uye vakati vamwe vakatosarudzwa sezvo vasina aivakwikwidza.
Mutauriri webato reNational Constitutional Assembly VaMadock Chivasa vatiwo vakapedza kusarudza vamiririri vebato ravo Svondo rapera uye vakati vachange vachiendesa mapepa svondo rino.
VaJoseph Makamba Busha mutungamiriri webatoreFreeZimCongress Party vatiwo vakatopedza kusarudza vachamiriraw bato ravo uye vakatiwo…
Vanoongorora zvematongerwo enyika, vachishanda nesangano rakazvimiririra rePlatform for Youth Development VaClaris Madhuku varumbidza danho ratorwa neZEC asi vakatiwo vemapato vasati vapedza kutsvaka vamiririri vanofanirwa kuita izvi nechimbi chimbi kuti vakwanisewo kuendesa mapepa kuti anoongororwa pachine nguva.
Vari kukwikwidza musarudzo dzemutungamiri wenyika vari kutarisirwa kuenda kudare repamusoro kuMapondera Building munaSamora Machel Avenue muHarare.
Vari kuda kukwidza musarudzo dzedare reparamende neSeante vachaendesa mapepa kumatare amejastiriti mumatunhu ose gumi enyika.
Vari kuda kuita makanzura vanoendesa mapepa kumahofi ekanzuru akatarwa nemutungamiri wenyika.
Facebook Forum