Zimbabwe yarova America mumutambo wecricket watambirwa muHarare zvapa kuti ipinde munhoroondo yemutambo uyu. MaChevrons eZimbabwe asvitsa maruns mazana matatu nemana kana kuti 304 runs.
Munhoroondo yemutambo uyu, Zimbabwe iri kutevera mumatsimba eIndia chete iyo yakakunda Sri Lanka nemaruns mazana matatu negumi nemanomwe kana kuti 317 mumitambo yezuva rimwe chete kana kuti ODI.
Sean Williams ndiye akatungamira Zimbabwe nekurova mabhora zana nemakumi manomwe nemana kana kuti 174 pamabhora zana nerimwe kana akakandwa neAmerica kana kuti 101.
Zimbabwe yakapinda muchikamu chechipiri kana kuti Super Sixes. Zvikwata zviviri zvinenge zviri pamusoro pamutambo uyu zvinoenda kumakwikwi eICC World Cup kuIndia.
Facebook Forum