Mumwe mukuru wemauto emuRussia General Sergey Surovikin, vanozivikanwa neremadunhurirwa rekuti “General Armageddon” vari kufungidzirwa kuti vasungwa.
Vari kupomerwa mhosva yekushanda nemukuru weWagner VaYevgeny Prigozhin vari kupomerwa mhosva yekuda kupidigura hurumende yaVaVladimir Putin. Wagner chikwata change chichishanda nemauto eRussia kurwisa Ukraine.
Chine mauto muAfrica ari kubatsira hurumende dzakaita seCentral African Republic neMali.
General Armageddon avo vanopomerwa mhosva dzekutyora kodzero dzevanhu vanonzi vave nemazuva vasiri kuonekwa.
Bepanhau reNew York Times rati rataura nevamwe vanoona nezvekudzivirirwa kwenyika yeAmerica nevasori vanofunga kuti Prigozhin ane vamwe vaaishanda navo vari muchiuto.
Prigozhin nemauto ake vakazodududza vave kutoda kusvika muguta guru renyika iyi reMoscow. Parizvino Prigozhin anonzi ari muBelarus umo akapotera. VaPutin vakamboita sekunge varegerera vanhu ava asi iko zvino vanoti vatengesi.
Facebook Forum