Mutungamiriri werimwe bato rinopikisa reFreezim Congress, VaJoseph Makamba Busha, nhasi vaparura hurongwa hwekutsvaga rutsigiro pamwe nekuzivisa vachakwikwidza vakamirira bato ravo.
VaMakamba avo vaive panzvimbo yechina pasarudzo dzemutungamiriri wenyika muna2018 vati rwendo rwuno vachakunda zvine mutsindo.
Vatiwo chimwe chikuru chavachaita kana vachinge vakunda musaruddzo kuvandudza bumbiro remitemo wenyika kuti ribvise masimba kubva kuvatungamiriri richiendesa simba iri kune veruzhinji.
VaBusha vane nhengo pfumbamwe chete dziri kukwikwidza musarudzo dzeparamende uye vati vachashanda nemamwe mapato kana vakakunda kuti vaumbe hurumende.
Vari kukwikwidza vakamirira bato iri kuKariba, Amai Dorus Chiweshe vati vachasimudzira madzimai nevechidiki kana vakakunda.
VaBusha vati vachaita misangano muHarare vasati vatanga kutenderera nenyika yese.
Facebook Forum