Mutungamiri weIran VaRaisi Voshanyira Zimbabwe, Kenya neUganda

Mutungamiri wehurumende yeIran VaEbrahim Raisi vari kutanga rwendo rwavo rwenyika dzemuAfrica mangwana vachienda kuKenya. Asi vati nonokei kutangwa rwendo urwu sezvo vange vachitarisirwa muNairobi nhasi.

Vari kutarisirwawo kushanyira Zimbabwe neUganda. Aka ndekekutanga mutungamiri wenyika yeIran achishanyira Africa mukati memakore gumi nerimwe.

Mutungamiri wenyika vaemmerson mnangagwa vanogara vachitaura kuti nyika inoda kudyidzana zvakasimba neiran zvikuru munyaya dzezvekurima.

Vanotiwo vanoda kudyidzana neiran sezvo vose vakatemerwa zvirango. America yakatemera vatungamiri venyika mbiri idzi zvirango ichivapomera mhosva yekutonga nedemo.

Mutungamiri webato rinopikisa reDemocratic Party vari nyanzvi munyaya dzezvematongerwo enyika Doctor Wurayayi Zembe vaudza Studio 7 kuti nyika dzakaita seIran, America neRussia dzinoda kudyidzana neZimbabwe nedzimwe nyika dzemuAfrica nekuda kwekutsvaga rutsigiro muhondo dzepasi rino uye kuti dziwane zvicherwa.

Embed share

Hurukuro naVaWurayai Zembe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:19 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player