Sangano rinoona nezvesarudzo reZIMBABWE ELECTION SUPPORT NETWORK nerinorwira kodzero dzemadzimai munyaya dzezvematongerwo enyika REWOMENS COALITION IN ZIMBABWE, nhasi aita musangano muHarare nemadzimai kubva kumapato akasiyana siyana vachizeya nyaya yemhirizhonga kumadzimai munguva ino yasarudzo.
Madzimai ari mune zvematongerwo enyika anoti nhadare ye sarudzo haina kuenzana, varume vanopihwa mikana yakawanda kudarika madzimai. Izvi vanoti zvinovatadzisa kusimudzirana munyaya dzezvematgerwo enyika, kupinda muzvigaro zvehutungamiriri kana kukuve vakuru vema kambani munyika.
Sachigaro wesangano re ZESN VaAndrew Makoni vanoti zvirongwa zve hurumende, nemakambani munyika zvinofanira kuvandudzwa kuitira kuti zvikoshese madzimai munyaya dzezvematongerwo enyika nemabhizimisi. Vanoti madzimai anoshoropodzwa zvakanyanya nekutukwa nechinangwa chekuvadzikisira zvinozovapa kiuti vatye kupinda munyaya dzezvematongerwo enyika.
Forum