Zuva range rakatarwa nenyika dzekumawirira rekuti mauto akabvuta masimba muNiger ange adzosera mutungamiri wenyika iyi pachigaro VaMohamed Bazoum rasvika asi paine vakawanda vari kukurudzira nhaurirano kwete hondo.
Mauto ekuNiger anonzi ave kuda kuti chikwata chekuRussia cheWagner chipindire chichivatsigira.
Gungano renyika dzemubatanidzwa dzenyika dzekumawirira kweAfrica reECOWAS richagarazve roona kuti rotora danho ripi.
Nyika mbiri dzine miganhu neNiger dzinoti Chad neAlgeria dzinoti hadzisi kuzotumira mauto uye dzimwe dziri kutongwa nemauto dzinoti Burkina Faso neMali.
Mauto akapandukira hurumende ari kutungamirwa naGeneral Abdourahmane Tchiani avo vanonzi vainge vachida kudzingwa basa zvakapa kuti varonge kupidigura hurumende.
Nyanzvi munyaya dzezvematongerwo enyika Muzvinafundo Ricky Mukonza vati kuda kupindira kweRussia, France, America nedzimwe nyika kuchamhembe kweAfrica zvinogona kugona kutokonzera matambudziko akanyanya.
Forum