Mapurisa nhasi akandira vatsigiri ve bato reCCC hutsi hunokatyidza kuMasvingo pedyo nenhandare yeMamutse.
Mapurisa aya amisawo mutungamiriri webato iri VaNelson Chamisa vari pakati pekutaura vachiti nguva dzavakatenderwa dzange dzakwana.
Mapurisa aya amisawo mutungamiriri webato iri VaNelson Chamisa vari pakati pekutaura vachiti nguva dzavakatenderwa dzange dzakwana.
Svondo rapera, mutungamiri wemapurisa Assistant Commissioner Paul Nyathi vakayambira vezvematongerwo enyika kuti vatevedzere nguva dzavanenge vatarirwa.
Asi veCCC vanoti mutemo uyu unobata ivo chete.
Vanhuwo zvavo vanogara mumusha wekwa Sisk kwaMucheke vabatanidzirwa apo vakandirwa hutsi hunokatyidza mudzimba dzavo.
VaChamisa vachema chema kuti mapurisa ari kuramba achivavharira kuita misangano yavo vachiti makuseni varambidza kuita mumwe musangano wavo muTshovani Stadium. Vati“Kwandanga ndiri kuChiredzi varamba kuti tiite rally muTshovani vakatiiisa musango kuHippo Valley what shocked them was kwange kwakazara,” Vadaro VaChamisa.
VaChamisa vavimbisa vagari veMasvingo kuti dhorobha ravo vakasarudzwa vachaona kuti ragadzirwa sezvo ririro dhorobha rakatanga kuvakwa munyika uye rino fanira kuita mabhizimusi sezvo riri pedyo nenyika dzakaita seSouth Africa. vaChamisa vati, “Patinopinda toda kugadzira nyika yedu kuti iremekedzwe pasi rese, maminerals edu anoita kuti tiite mabasa muno,”
Vashorawo kuburitswa kwezvicherwa munyika zvisina kukwenenzverwa kuti zvizotengeswa vachiti vekunyika dzakaita seChina vari kumora lithium kuBikita vachinokwenenzvera kunyika kwavo.
Vachitaurawo parutivi pamusangano wemutungamiriri wavo, vari kumirira CCC mudare reParamende muMasvingo urban VaMartin Mureri vati bato ravo rikakunda vachapedza nhamo iri kusangana nevanhu munyika.
Izvi zvatsinhirwawo nevari kukwikwidza kuita kanzura kuward 2 muMasvingo Muzvare Shantel Chiwara vati bato ravo rikapinda vachaita kuti vechidiki vawane mabasa .
Forum