Hurumende yeZimbabwe iyo yakakoka vaongorori vesarudzo kubva kunyika dzakawanda pasi rose yave kushora zvakanyanya vamwe vacho ichiti vave kupindira munyaya dzezvematongerwo enyika.
Mutungamiri wenyika VaEmmerson Mnangagawa vanoti vaongorori ava havafanire kuda kuita kunge vane chekudzidzisa Zimbabwe hutongi hwejekerere.
Mutauriri wavo VaGeorge Charamba vari kushorawo veCarter Center neEllen Sireleaf Johnson Centre nevamwe vachiti vari kupindira mune zvematongerwo enyika.
Vaongorori kubva kuEU vari kushorwawo asi ivo vari kuti vari kungozorwa mafuta enguruve yavasina kudya. Mamwe masangano akazvimirira akawanda nevatori venhau vari kurambidzwa nehurumende kupinda munyika kuzoongorora sarudzo.
Gweta rinorwira kodzero dzevanhu VaKennedy Masiye vaudza Studio 7 kuti kunetsana nevaongorori vesarudzo hakuna kunaka sezvo Zimbabwe iri kuti iri kuda kugadzirisa hukana nenyika dzayakarimirana nadzo kumuganhu zvakapa kuti VaMnangagwa nevamwe vavo vatemerwa zvirango.
Forum