Musangano wekutanga weAfrica wakanangana nekushanduka kwemamiriro ekunze watanga muKenya nhasi.
Mutungamiri weKenya VaWilliam Ruto vavhura musangano uyu zviri pamutemo nhasi mushure mekuenda kwange kuchiitirwa musangano uyu nemotokari inoshandisa magetsi isingasvibise mweya wekufema.
Africa iyo ine vanhu vanodarika bhiriyoni imwe chete nezviuru mazana matatu kana kuti 1,3 billion yakatarisana nedambudziko guru riri kukonzerwa nekushanduka kwemamiriro ekunze.
Dambudziko iri riri kukonzerwa nekushaya zvikwanisiro zvekuongorora mamiriro ekunze kuti paitwe gadziriro kana mvura ikasaturuka.
Vamwe vari kupinda mumusangano uyu inhumwa yemutungamiri wenyika yeAmerica panyaya dzemamiriro ekunze VaJohn Kerry. VaKerry vati panyika makumi maviri dzakatarisana nedambudziko remamiriro ekunze zvakanyanya, gumi nenomwe dziri muAfrica.
Forum