Chizvarwa cheZimbabwe Chiri kuBritain, VaGore, Vosimudzira Mutambo weNhabvu muNyika Kuburikidza neKukwezva Vatambi Vari Kunze

Muchikamu chedu chatinotarisa zviri kuitwa nevana veZimbabwe vari kunze kwenyika, svondo rino tine hurukuro naVaMarshall Gore, avo vari kuBritain.

VaGore ndivo mutungamiri wesangano reTeam Zimbabwe UK, iro rine basa rekutsvaga vatambi venhabvu vari kunze kwenyika asi vari zvizvarwa zveZimbabwe kuti vange vachitambira nyika.

Sangano reTeam Zimbabwe UK rakaparurwa muna 2012, uye rinoshanda riri pasi peEnglish Football Association.

VaGore vanoti kusvika pari nhasi vakwanisa kubata vatambi vanoda kusvika kumazana maviri, pavatambi apa vamwe vavo vave kutotambira nyika.

"Takwezva vatambi vakawanda. Kudoma mazitandingatoswerera, asi regai ndingodoma vashoma vanozivikanwa, vane mukurumbira vakaita saMinister of Defence Tendayi Darikwa, Jordan Zemura, Admiral Muskwe, Brandon Galloway naKundai Benyu. Mwana zvakare wandakana kuno wandakagara naye pasi nevabereki vake," vanodaro VaGore.

Vanoti kunyange hazvo vachimbosangana nevamwe vanoda kuisa zvematongerwo enyika, ivo sasachigaro veZanu PF mudunhu reUK, zvematongerwo enyika hazvivakanganise kuita basa ravo sezvo vasingazvisanganise.

VaGore vanoti vanoda kutenda vana veZimbabwe vose pamwe nevari kubatsira nenzira dzakasiyanasiyana vari kuita kuti chirongwa chavo ichi chibudirire.

Embed share

Hurukuro naVaMarshall Gore

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:06:26 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player