Makundano eChibuku Super Cup apinda munharaunda yemakota fainari nhasi
apo Dynamos yapinda mumasemi fainari yarova FC Platinum nemapenareti.
Dynamos yarova FC Platinum nemapenareti 5-3 muMandava Stadium ndokupinda muma semi fainari emakundano emukombe mukuru uyu.
Zvikwata zviviri izvi zvapedza mutambo uyu zviri mangange 1-1 panguva dzakatarwa dzemutambo wenhabvu.
Dynamos yanga isina vatambi vayo vaviri Tanaka Shandirwa naDonald Mudadi pamwe nemurairidzi wayo Genesis Mangombe avo vari kuBotswana nechikwata chenyika chemaWarrios.
Chikwata che nyika ichi chirikutamba mutambo wekuedzana masimba nemaZebras mumutambo wekupembererera kuwana kuzvitonga kuzere kweBotswana.
Dynamos yabatana neBlack Rhinos musemi fainari mushure mekunge chipembere yarova Chicken Inn 2-1 muLuveve Stadium muBulawayo.
Munyori mukuru weDynamos VaWebster Marechere vanoti varikuda kutenda
vatsigiri vavo nekutora mukombe wechibuku Super Cup uyu.
"Mwaka uno timofanira kutora mukombe weChibuku uyu uyo watitiza kwemakora akati wandei,"vadaro VaMarechera.
Mutsigiri weDynamos VaHampfrey Tahwa vanoti vakatopfeka nguwo dze
Dynamos iyo iri .pamoto pavo,
"Kana wada Dynamos unosvika pakupfeka zvese. Chero wakapfeka blue, zvinoratidza kuda Dembare," vadaro VaTahwa.
Black Rhinos iyo irilutatarika mumakundano eCastle Lager Premier Soccer League yapindawo mu semi fainari yarova Chicken Inn 2-1.
Chiri kushamisa veruzhinji ndechekuti Rhinos yarova maGame Cocks
muLuveve Stadium umo Chicken Inn isingaroveke zvekutamba.
Mitambo yeChibuku Super Cup iyi iri kuenderera mberi neSvondo apo
Highlanders iri pamusha muBarbopurfirlds Stadium neCaps United.
Makepekepe, ayo aimbove madzimambo ekutora mikombe, haasi kutamba
zvakanaka zvekuti panokwanisa kushaya chibuda.
Muteveri wemutambo wenhabvu VaShepherd Saizi vanoti maonero avo.
Highlanders ndiyo icgatora mukombe uyu.
"Ndiri kuona Highlanders ichirova Caps uyezve ichitora mukombe
weChibuku Super Cup. Zveligi izvo ngavakanganwe," vadaro VaSaizi.
Mune mumwe mutambo mangwana, Herentals irikusangana neNgezi Platinum
Stars muMandava.
Chikwata chinotora mukombe uyu chinowana mari inoita iyo zviuru makumi
manomwe nezvishanu zvemadhora ekuAmerica.
Pamusoro pezvo, chinobudirira kumirira Zimbabwe mumakundano eCAF
Confederation Cup.
Zvikwata zvenyika zvave kutenderwa zvakare kutamba nezve kune dzimwe nyika
zvichitevera kudzorwa munhabvu yepasi rese kweZimbabwe neveFIFA,
Svondo rinouya zvikwata zvinenge zvadzoka mumakundano eCastle Lager
Premier Soccer League.
Forum