VaJulius Mashonganyika, Vosimudzira Mutambo weTennis muAmerica

Muchikamu chedu chatinotarisa zviri kuitwa nevana veZimbabwe vari kunze kwenyika, nhasi tichitarisa zviri kuitwa naVaJulius Mashonganyika, avo vari kudzidzisa mutambo we tennis muAmereica kubva muna 2011.

Pari zvino vanoshanda semukuru wemutambo uyu paLoudon County School muLeesburg, mudunhu reVirginia, uyewo kupa zvidzidzo kuvana nevakuru mumatunhu akasiyanasiyana emuAmerica.

VaMashonganyika vanoti vakatanga kutamba tennis muna 1984 kuMufakose muHarare uko vakadzidziswa mutambo uyu nemudzidzisi ane mukurumbira, VaAlbert Nhamoyebonde pasi peMufakose Tennis Coaching Agency.

Vanoti vakatambira chikwata cheMufakose Tennis Club, icho chakashura mare mumutambo uyu sezvo chaive chevatambi vanobva kumisha inogara veruzhinji.

Vakazotorawo zvidzidzo zvepamusoro zvakasiyanasiyana zvekurairidza mutambo uyu, vakazove mukuru weWhite Rhinos Tennis Club.

VaMashonganyika vakadzidzisawo mutambo we tennis munyika dzinoti Zimbabwe, South Africa neAmerica.

Svondo rinouya ari kutarisirwa kuenda kuLondon, kuEngland kunoita zvimwe zvidzidzo zvekurairidza zvepamusorosoro zveAll-England Lawn Tennis Club Facilities Management Seminar.

VaMashonganyika vanoti chinangwa chavo ndechekusimudzira vatambi vechidiki pamwe nevamwe varairidzi vemutambo uyu.

Embed share

Hurukuro naVaJulius Mashonganyika

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:44 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player