Dambudziko rekushomeka kwemagetsi munyika riri kutarisirwa kuramba richikomba sezvo kambani yeZESA iyo iri kuda kuwedzera mutengo wemagetsi zvishoma iri kuchema chema kuti mari inodiwa pagore kuti ikwanise kutenga magetsi kunze kuwedzerera pane ari kugadzirwa munyika yakawandisa.
Vachitaura muHarare svondo rino pakunyorerana chibvumirano nekambani yeDinson iron and Stell Company, mukuru weZESA VaSydney Gata vakati nyika inoda mari inozvika zviuru mazana maviri nemakumi mashanu kana kuti US$250 million pagore yekutenga magetsi kuZambia, South Africa neMozambique uye kugadzira magwenya emagetsi nemarasha.
ZESA yanyorerera kuZimbabwe Energy and Regulatory Authority ichisa kuti mutero wenagetsi uwedzerwe nemasendi maviri kuti ikwanise kuwana mari yekuramba ichiwanisa vanhu magetsi.
Asi imwe nyanzvi munyaya dzezvehupfumi Muzvinafundo Gift Mugano vanoti zvakaoma kuti ZESA ikwanise kuwana mari iri kudiwa kana vamwe vakuru vehurumende vasingabhadhare mitero.
Forum