Ngezi Platinum Stars Yonzi Ndiyo Ingangotora Mukombe weCastle Lager Premier Soccer League weGore Rino

Vanotevera mutambo wenhabvu vanoti mukombe wegore rino uyu watove munzira kuenda kumaruwa eMhondoro-Ngezi.

Vanoti vari kuona pasina chimwe chikwata chinokwanisa kumisa Ngezi Platinum Stars iyo iri pamusoro petafura yeCastle Lager Premier Soccer League pari zvino.

Chikwata ichi chatungamira Highlanders memapoinzi matanhatu, asi Highlanders iri kutamba mangwana neCranbourne Bullets muBarbourfields Stadium muBulawayo umo inotarisirwa kukunda sezvo iri pamusha.

Pari zvino Ngezi ine mapoinzi makumi mashanu nemashanu.

Muongorori wemutambo wenhabvu, VaSamuel Mutsu, vanoti zvikwata zvekumaruwa zviri kutora mukombe kwete zvemumaguta zvakaita savana Dynamos nanaHighlanders.

“Dynamos, Caps ne Highlanders hadzikodzere asi mateam e kumaraini. Ngezi,” vanodaro vaMutsu.

Mutsigiri wenhabvu VaTinashe Museti vanoti pari zvino veruzhinji ngavavasanyeperane zvavo kuti ari kutota mukombe uyu ndiayi kunze kwe Ngezi Platinum Stars.

“Hapana che kutaura apa. Mukombe ndewe Ngezi,” varikudzira VsMuseti

Mimwe mitambo yanhasi yapera seizvi..

ZPC 2. FC Platinum 1, Bulawayo Chiefs 0 Simba Bhora 1.

Mimwe mitambo yeCastle Lager Premier Soccer League iriko neSvondo apo Highlanders iri pamusha neCranboune Bullets.

Caps United iri muNational Sports Stadium zuva rimwechete Hwange iri kuenda kuChiredzi kunotamba neTriangle kuGibbo.

Embed share

Nyaya ina Michael Kariati

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:25 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player