Muchirongwa chedu chemagitare chesvondo rino Studio 7 yaita hurukuro nemuimbi wemusambo wesungura kana kuti museve, Taurai Mwanyisa, anobva kwaChecheche kuChipinge achiimba nechikwata cheMutape Express.
Tau anoti akatanga kuimba achiri kuchikoro kwaaitombokumbirwa kuridza paiungana vana vechikoro nekuda kwechipo chake.
Akazotanga kutsikisa nziyo dzake mugore ra2020 apo akabura kambo kake kekutanga kanonzi 'Taurayi Zvenyu' kaakaimba naShuga Shuga.
Anotiwo akanonoka kutsikisa mimhanzi yake achida kuti atange agadzirisa nyaya dzemusha kuti mhuri yake ive nepekugara pakanaka asati atanga kunyanya kushingirira mune zvemagitare.
Panguva iyi aiteverawo vamwe vaimbi achipota achiridza kumagungano avaiita pairidza zvikwata zvakasiyana siyana.
Mimhanzi yaTau inowanikwa paYoutube, MP3 Juices, neTick Tock pasi peTau Mwanyisa and Mutape Express Music. Anobatikawo pa Pa Instaagram, paFacebook ne paTwitter.
Vanoda kutaura nemuimbi vanogona kumubata pa number dzinoti +27 620 824 100
Tinokupai chimwe chirongwa chemagitare nemusi we Chishanu svondo rinouya. Kune vaimbi vanoda kuti titaure navo pachirongwa chedu pano pa studio 7 tibateyi paWhatsApp nhamba dzinoti 001 202 465 0318.
Forum