Hondo Pakati peIsrael neHamas Yoramba Ichienderera Mberi Pasina Anoda Kutanga Kumisa Kurwa Pakati Pemativi Maviri Aya

Hondo pakati peIsrael neHamas iri kuenderera mberi panguva iyo paine kuratidzira kwevatsigiri vemapoka maviri aya munyika dzakasiyanasiyana, veruzhinji vachikurudzirawo kuti hondo iyi imiswe.

Vamwe vagari vemuIsrael vane hama dzavo dzakatapwa neHamas, iyo inonzi nehurumende yeAmerica chikwata chematororo, vari kuenderera mberi vachikurudzira mutungamiri wehurumende yeIsrael, VaBenjamin Netanyahu, kuti vaite zvese zvavanokwanisa kuti hama dzavo dzidzoke dziri mhenyu.

Israel inoti haisi kuzomisa hondo iyi kusvikira vakatapwa vose vadzoswa neHamas.

Bazi rezve hutano remuGaza iro rinonzi riri kushanda neHamas, rinoti vanhu vashaya muhondo iyi vanodarika zviuru gumi nechimwe, kana kuti 11,000. Israel inoti vanhu vashayawo muhondo iyi munyika mayo vanodarika chiuru nemazana mana, kana kuti 1 400.

Vanoongorora zvematongerwo enyika vari nhengo yebato reCCC mudunhu reNorth America, VaTim Muringai, vanoti hondo iyi inofanirwa kumiswa sezvo iri kukonzera kuurayiwa kwevanhu vakawanda vasineyi nayo.

Vanoti kuurayiwa uku kuri kurwadza vanhu pasi rose uye vatungamiri venyika dzakabudirira nemasangano akadayi seUnited Nations vanofanirwa kuramba vachikurudzira kuti pave nekumiswa nechimbi chimbi kwehondo iyi kuitira kuti vakatarisana nenzara muGaza vawane rubatsiro.

"Zvakakosha kuti nhaurirano dzerunyararo dzirambe dzichikurudzirwa nemasangano akadayi seUnited Nations nevamwe vatungamiri venyika dzakadayi seAmerica sezvo vanokwanisa kuteererwa hondo iyi ikamiswa asi zvinenge zvichatora nguva," VaMuringai vaudza Studio7.

Embed share

Hurukuro naVaTim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:06 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player