Hondo pakati peIsrael neHamas iyo yave mumwedzi wechipiri, iri kuenderera mberi masangano anowona nezvekuyananisa veruzhinji akaita seUnited Nations, ari kukurudzirwa kuti asanete kukurudzira kumbomiswa kwehondo iyi.
Hurumende yeAmerica yakatara Hamas sechikwata chematororo.
Pari zvino panonzi pane kutaurirana pakati pemapato maviri aya kuti vamwe vekuIsrael vakapambwa neHamas vadzorerwe kuIsrael, izvo zviri kutarisirwa kuti zvibatsire pakurudziro yekumiswa kwehondo iyi.
Mutungamiri wehurumende yeIsrael, VaBenjamin Netanyahu, vanoti nyika yavo haisi kuzomisa hondo iyi kusvikira vakatapwa vadzoswa neHamas.
Nyanzvi yezvehupfumi vachidzidzisa pachikoro chepamusororo che DeVry University ku Ohio, muAmerica, Muzvinafundo Elliot Masocha, vanoti zvakakosha kuti hondo iyi ichisvika kumagumo sezvo pane kurasikirwa kwehupenyu kwevamwe vasiri kurwa muhondo iyi.
"Veruzhinji vasineyi nehondo iyi vari kurasikirwa nehupenyu izvo zvinokwanisa kumiswa kana vaviri ava vakatambira zvikumbiro zvekuti hondo iyi imbomira, izvo zviri kubva pasi rose,"Muzvinafundo Masocho vaudza Studio7.
Forum