Vakawanda muAmerica nhasi vari kupemberera zororo rekutenda kana kuti Thanksgiving nhasi.
Gore rega rega muna Mbudzi, vanhu muAmerica neCanada vanopemberera zuva iri vamwe vachiti kutenda goho remwaka wapera nemamwe maropafadzo sezvakaitwa nemadzitateguru akabva kuBritain kubva muna 1651 apo vakaita mabiko nevavakazopamba muAmerica veWampanoag.
Vanhu vanobika makarikuni kunyanya, vachidyawo chingwa, mbatatisi nezvimwe. Vakwanda vanotora mukana uyu kuungana semhuri.
Izvi ndizvo zviri kuitwawo nechimwe chizvarwa chezimbabwe chiri muAmerica Muzvare Comfort Dondo vanoshanda nesangano rinorwira kodzero dzevanhu rePhumulani-Minnesota African women against violence.
Muzvare Dondo vanoti ivo ne mhuri yavo vachashanyirawo madzisahwira avo uko vachanobikawo kudya kwakawanda kusanganisira kwekumusha kwakaita sesadza nezvimwe zviri mutsika dzemuAmerica.
Forum