Kurwisana pakati peIsrael neHamas kwapinda muzuva repiri neMugovera mushure mekumbenge kwamiswa kwemazuva manomwe zvichitevera chibvumirano chekupa mukana wekuregererwa kwevasungwa pamwe nevakanga vatapwa uyewo kuwanisa mukana wekupinzwa kwerubatsiro mugaza.
Israel inonzi yawedzera kurwisa kwayo zvichitevera kuparara kwechibvumirano chekumbomisa kurwisana uku, mauto eIsrael achizivisa kuti arwisa nzvimbo dzinodarika makumi mashanu dziri pasi peHamas. Hurumende yeAmerica yakatara Hamas sechikwata chematororo.
Bazi rezvehutano muGaza, iro rinodyidzana neHamas, rinoti kurwisana kwanhasi uku kwauya zuva rimwechete zvombo zvemuchadenga zvakakandwa neIsrael zvauraya vanhu zana nemakumi masere nevana, 184, muGaza.
Gurukota rezvekudyidzana nedzimwe nyika muAmerica, VaAntony Blinken, vati vakazvijekesa kuti pachatanga zvakare kurwisana zvinenge zvakakosha kuti Israel iite hurongwa hunochengetedza vanhuwo zvavo uye kubvumidza kupinda kwerubatsiro kunoenda mberi.
Forum