Rimwe sangano rinorwira kodzero dzezvizvarwa zveZimbabwe muSouth Africa reZimbabwe Exiles Forum rinoti riri kushushikana zvikuru nemashoko ekuti zvizvarwa zveZimbabwe zviviri zviri pakati pevanhu vakapondwa ndokupiswa munzvimbo inogara vazhinji yeDiepsloot muJohannesburg.
Mutauriri wemapurisa Lieutenant Colonel Mavela Masondo vaudza vatori venhau kuti vakapara mhosva vakabatwa vachatongerwa mhosva yekuponda.
Zvimwe zvizvarwa zvemuDiepsloot zvinoti vanomwe vakapondwa ava vaipomerwa mhosva dzekubira vanhu. Asi vamwe vanoti zvizvarwa zveZimbabwe zvakapondwa zvaienda kukerereke.
Munzvimbo yeDiepsloot ndimo makapondwa nekupisirwawo chimwe chizvarwa cheZimbabwe mushakabvu Elvis Ncube, gore rakapera. Hatina kukwanisa kubata mumiriri weZimbabwe VaHenry Hamadziripi kuti tinzwe divi ravo.
Mukuru weZimbabwe Exiles Forum, VaGabriel Shumba, vanoti nyaya iyi ichiri pakati pekuferefetwa asi vati vari kushushikana nekuti pane zvizvarwa zveZimbabwe zveZimbabwe zvakaurayiwa.
Forum