VaNgarivhume Voburitswa Mujeri Mushure meMwedzi Misere

Mutungamiri webato rinopikisa reTransform Zimbabwe VaJacob Ngarivhume vawanikwa nedare repamusoro reHigh Court vasina mhosva panyaya yavange vatongerwa nedare ramejastiriti kugara mujeri kwemakore matatu.

Asi gweta ravo, Muzvinafundo Lovemore Madhuku vaudza Studio 7 kuti vange vachipomerwa mhosva yekupesvedzera mhirizhonga padandemutande reTwitter muna 2020.

VaNgarivhume vakange vanzi vaipesvedzera vanhu kuti vapinde mumugwagwa vachiratidzira kshora hurumende.

Asi vatongi vedare repamusoro reHigh Court VaPasirayi Kwenda naAmai Fatima Maxwell vati hapana mhosva yavakapara.

Kunyangwe vamwe vari kuti matare emunyika anotarisa kuti wabuda mumba maani, gurukota rezvemitemo vaziyambi ziyambi vanoti matare akazvimirira.

Mukuru wesangano rinorwira kodzero dzevanhu reZimbabwe Human Rights NGO Forum VaWilbert Mandinde vaudza Studio 7 kuti vatambira nemufaro kuburitswa mujeri kwaVaNgarivhume asi vakati hazvaifanira kuitwa.

Embed share

Hurukuro naVaWilbert Mandinde

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:32 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player