China yapa Zimbabwe zvombo zvehondo zvinosanganisa motokari nepfuti. Zvombo izvi zvagashidzwa mutungamiri wenyika VaEmmerson Mnangagwa nemumiriri wechina muzimbabwe VaZhou Ding kuInkomo Mechanized Brigade.
VaMnangagwa vatenda China vachiti ndisahwira mukuru. Mauto eZimbabwe ave nemakore achitatarika kuwana zvombo sezvo Zimbabwe Defense Industries yakatemerwa zvirango neAmerica neEU sezvo achipomerwa mhosva yekutyora kodzero dzevanhu.
Mauto akatungamirawo mukupidigurwa kwehurumende yevaive mutungamiri wenyika mushakabvu Robert Mugabe.
Muna 2018, mauto akapomerwawo mhosva yekupfura vanhu vatanhatu muHarare mushure mekunge vanopikisa varatidzira vachiramba kutambira zvaineg zvabuda musarudzo.
Gweta rinorwira kodzero dzevanhu vachishanda nesangano reAll Hands on Justice, VaKennedy Masiye vanoti nguva yapihwa mauto zvombo haina kumira zvakanaka sezvo paine kunetsana pakati pehurumende nevanopikisa nenyaya yesarudzo dzinonzi nevanopikisa, SADC, AU nevamwe vaongorori vesarudzo.
Forum