MaRepublicans Odya Marasha Nekurambidzwa kwaVaTrump Kukwikwidza kuColarado

Nhengo dzakawanda dzebato remarepublicans muAmerica dziri kushora zvikuru danho rakatorwa nedare repamusoro mudunhu reColarado rekurambidza vaimbova mutungamiri wenyika yeAmerica VaDonald Trump kukwikwidza musarudzo dzemaprimary dzebato ravo.

VaTrump vari kunzi vasakwikwidze vachipomerwa mhosva yekuda kupesvedzera vanhu kuti vapandukire hurumende apo vairamba kutambira zvakabuda musarudzo dzemutungamiri wenyika muna 2020.

Vanhu vanonzi vaitsigira VaTrump vakaratidzira zvine mhirizhonga mukati musi wa 6 Ndira 2021 uye vamwe vacho vakabatwa nemhosva dzekuda kupidigura hurumende ndokukandwa mumajeri.

Sarudzo dzemaprimary dzekuColarado idzi dziri kuitwa musi wa 5 Kurume. Dunhu reColarado rinotsigira maDemocrats kunyanya.

VaTrump vari kutarisirwa kuenda kudare repamusoro soro munyika reUnited States Supreme Court kunopikisa mutongo uyu.

Gweta rinorwira kodzero dzevanhu vachishanda nesangano reAll Hands on Justice, VaKennedy Masiye vanoti VaTrump vane mukana wekubudirira vakaenda kuSupreme Court sezvo vasati vabatwa nemhosva.

Embed share

Hurukuro naVaKennedy Masiye

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:49 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player