Vanhu vakawanda pasi rose vari kuchema muimbi uye aiita zvemitambo, Mbongeni Ngema wekuSouth Africa akashaya nezuro ave nemakore makumi matanhatu nemasere munjodzi yemumugwa achibva kudhorobha reLusikisiki kuEastern Cape.
Mutungamiri wenyika yeSouth Africa VaCyril Ramaphosa mumashoko avo enyaradzo vati Ngema kuburikidza nekunyora kwake zvemitambo ainyatsoburitsa rusaruraganda rwaiitwa munguva yeApartheid nyika iyi isati yawana kusvitoga kuzere.
Ngema anozivikanwa zvikuru nekambo Sarafina ako kakaitwa firimu raive nemumwe mutambi ane mukurumbira kuAmerica, Whoopi Goldberg. Ngema akaberekwa muna 1955 akatanga kuita zvemitambo kumakore ekuma 1970.
Akange ari mumwe akanyorawo matambo unonzi Woza Albert waitaura nezvekudzoka kwaJesu munguva yehurumende yehudzvinyiriri. Mutambo uyu waishora hutongo hwehudzvanyiriri wakaonekwa senzira yekuratidzira nevakawanda.
Forum