Vamwe Varairidzi Vanoti Vachatanga Kuratidzira Nhasi

Varairidzi vari pasi pemubatanidzwa wemasangano anovamiririra weFederation of Zimbabwe Educators Unions kana kuti FOZEU vanoti kutanga nhasi havasi kuzoenda kubasa sezvo vasisina zvikwanisiro.

Vanoti hurumende haina kuwedzera mari yavo yemihoro kunyangwe vari kuti mitengo yezvinhu iri kuwedzerwa zvakanyanya uye dhora remunyika richiramba richishaya simba.

Varairidzi vakaendesa tsamba yenyunyuto kubazi rezvevashandi svondo rapera, asi kusvika parizvino vanoti havana kupihwa mhinduro.

Hatina kukwanisa kubata gurukota rezvevashandi VaJuly Moyo kuti tinzwe divi ravo.

Asi mutauriri mubazi rezvedzidzo yepasi VaTaungana Ndoro vaudza Studio 7 kuti havana ruzivo rekuti pane varairidzi vari kuda kukanda mapadza pasi.

Mutungamiri wesangano reFOZEU Muzvare Tafadzwa Munodawafa nemutungamiri wereAmalgamated Rural Teachers Union of Zimbabwe vari nhengo yeFoZEU, VaObert Masaraure vaudza Studio 7 kuti kuisa zvimiti munzeve kwehurumende ndiko kwapa kuti vatore danho rekumbomira kudzidzisa.

Embed share

Hurukuro naVa Obert Masaraure.mp3

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:01 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player