ZEC Yoshandisa Mari Yakawanda Musarudzo Dzema By-Elections Vakawanda Vachitambura Munyika

Zimbabwe Electoral Commission (ZEC) yakashandisa mari inosvika mamiriyoni gumi nerimwe (US $11 million) kuita sarudzo dzemaby-elections.

Mari iyi iri kutarisirwa kuwedzera kusvika pamamiriyoni gumi nematanhatu (US $16 million) sezvo dzimwe nhengo dzedare reparamende dziri kubuda muparamende dzichitsutsumwa nezvadzinoti zviri kuitwa nehurumende nebato reZANU-PF mukupindira mumashandiro ebato rinopikisa, reCitizens Coalition for Change. Asi bato reZanu-PF riri kuramba kuti ndiro rakonzera kupatsanuka kweCCC. Sarudzo idzi dziri kuitwa panguva iyo vanhu vanodarika mamiriyoni maviri nezviuru zvinomwe vakatarisana nenzara. Izvi zvinotevera kuitwa kwesarudzo dzakawanda, dzemaby-elections, zvichitevera kudzingwa kwenhengo dzebato reCitizens Coalition for Change nevari kuzviti vakafanobata chigaro chemunyori mukuru webato iri, VaSengezo Tshabangu.

Izvi zvapa kuti nyika itatarike. Sangano reConsumer Council of Zimbabwe riri kuyambirawo kuti mitengo yezvinhu ichatanga kukwirazve sezvo mitero pakutenga zvimwe zvinhu zvekudya kunze kwenyika yakadzoserwa negurukota rezvemari, Muzvinafundo Mthuli Ncube.

Imwe nyanzvi munyaya dze zvehupfumi, vari mutevedzeri wasachigaro webhodi resangano reGovernors for UTC, kuSalford kuBritain, Muzvare Chenayi Mutambasere, vanoti kunyangwe vanhu vakawanda vari kunonga svosve nemuromo, vanhu vakawanda vachishaya zvekudya, hurumende iri kusimbaradza nyaya yekuti itonge kusvika madhongi amera nyanga.

Embed share

Hurukuro naMuzvare Chenai Mutambasere.mp3

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:11 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player