Mwedzi Mitatu Nhengo yeCCC, VaMasaya, Vapondwa kuMabvuku, Zvinonzi Hapana Ati Asungwa neNyaya Iyi

Shirikadzi yevaimbova nhengo yebato reCitizens’ Coalition for Change yakapambwa nekupondwa kuMabvuku muHarare gore rapera, VaTapfumaneyi Masaya, Amai Maria Zhuwao, vanoti vari kushushikana zvikuru kuti mwedzi mitatu yatodarika kubva zvakapondwa murume wavo pasina kana munhu ati asungwa nenyaya iyi.

VaMasaya vakapambwa nevanhu vakanga vakapakata pfuti vanofungidzirwa kuti inhengo dzeZanu PF kana vasori musi wa11 Mbudzi gore rapera pamberi pesarudzo dzema by-election dzakaitwa munaZvita, vakazowanikwa vakafa uye mutumbi wavo wakachekwachekwa.

Vakapambwa pamwe chete neimwe nhengo yeCCC, VaJeffrey Kalosi, apo vaitsvagira VaMunyaradzi Kufahakutizvi rutsigiro rwekuti vave mumiriri weMabvuku-Tafara mudare reparamende.

Kubondwa kwaVaMasaya kwakashorwa zvikuru neUnited Nations pamwe nemasangano anorwira kodzero dzevanhu vachiti hurumende inofanirwa kuferefeta nyaya iyi nehudzamu uye kusunga vakaita izvi.

Amai Zhuwao vaudza Studio 7 kuti vari kukatyamadzwa zvikuru nekusatora matanho kuri kuitwa nemapurisa panyaya iyi.

Taedza kubata mapurisa kuti tinzwe paasvika nenyaya iyi asi mutauriri wemapurisa, Assistant Commissioner Paul Nyathi, vati tivabate nemusi wemuvhuro svondo rinouya nezvenyaya iyi.

Embed share

Hurukuro naAmai Maria Zhuwao

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:24 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player