VaNavarro Vaive Chipangamazano chaVaDonald Trump Vokandwa Mujeri KweMwedzi Mina

Vaive chipangamazano chevaimbova mutungamiri wenyika yeAmerica, VaDonald Trump, VaPeter Navarro, neChipiri vakazvipira kune vemajeri kuFlorida mushure mekubatwa nemhosva yekuzvidza dare reParamende reCongress nekuramba kuenda kunopa huchapupu panyaya yemhirizhonga yakaitika padare iri muna 2021.

Mhirizhonga iyi yakakonzerwa nevatsigiri vaVaTrump vairamba kutambira kukundwa kwavo musarudzo yemutungamiri wenyika naVaJoe Biden muna 2020.

Vanhu vashanu, kusanganisa mupurisa umwe chete, vakafa pamhirizhonga iyi, ukuwo midziyo, misuwo, mahwindo nezvimwe zvakapunzwa nemhomho yevanhu ava.

VaNavarro, avo vachange vari mujeri kwemwedzi mina, ndivo nhengo yekutanga muhurumende yaVaTrump kuenda kujeri zvine chekuita nemhirizhonga iyi.

Vanoongorora nyaya dzezvematongerwo enyika, vari mukuru wezvetsvakiridzo musangano reElizabeth Glaser Foundation, Doctor Rhoderick Machekano vaudza Studio 7 kuti kusungwa kwevanhu vakaita saVaNavarro hakuna kunakira VaTrump kana vakazomiswa pamberi pedare vachipomerwa mhosva yekupesvedzera mhirizhonga.

Asi VaNavarro vanoti zviri kuitika izvi kuda kuvambunyikidza nekuti vanotsigira VaTrump.

Embed share

Hurukuro na Dr Rhoderick Machekano

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:05 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player