ZESA Inoti Ine Chikwereti cheMabhiriyoni Maviri (US$2 billion) Zvopa Kuti Magetsi Adzimwe Dzimwe

Kambani yeZESA inoti ine chikwereti chinosvika mabhiriyoni maviri kusanganisira zvikwereti zvemari inosvika mamiriyoni zana kana kuti 100 million.

ZESA yatendawo kuti magetsi ari kudiwa munyika akwira zvakanyanya kudarika makore ose adarika kusvika pazviuru zvitatu nemazana mashanu pagore nekuda kwekuvhurwa kwemakambani ezvicherwa.

Vachitaura nekomiti yeparamende inoona nezvemagetsi, vakafanobata chigaro chemukuru weZESA VaEliab Chikwenhere vati kutadza kubhadhara zvikwereti nekugaya magetsi akakwana kwave kupa kuti magetsi adzimwe dzimwe. Izvi zvave kukanganisa makambani ezvicherwa akaita seZimplats ave kugumura vashandi achitiwo ZESA yawedzera magetsi zvakanyanya.

Vanoongorora nyaya dzezvehupfumi VaMasimba Kuchera vanoti ZESA inofanira kutanga yarwisa huori kana ichida kubuda mumadhaka mairi.

SEE ALSO:

Hurukuro naVaMasimba Kuchera.