Mutauriri wedare reparamende VaJacob Mudenda vazivisa kuti vatungamiri vemakomiti akasiyana siyana mudare iri vakadomwa naVaJameson Timba vari kufanotungamira chimwe chikwata chebato rinopikisa reCitizens Coalition for Change kana kuti Tripple C vanofanira kusiya zvigaro izvi sezvo vakadomwa zvisiri pamutemo. Vati vadzosera nyaya iyi kubato reCCC. Asi vane ruzivo nezviri kuitika vanoti vari kushanda nechimwe chikwata cheCCC chinotungamirwa mnaVaWelsman Ncube ichi chanzi chakatoendesa mazita matsva kare.
VaTimba vanoonekwa sevanotsigira vaive mutungamiri webato iri vanelson chamisa. ZANU-PF iri kupomerwa mhosva yekushanda nechikwata cheTripple C chave kutungamirwa naVaNcube kuparadza VaChamisa.
Asi veZANU-PF nevechikwata chaVaNcube ava vari kuramba izvi. Tayedza kubata VaTimba nevanozviti munyori mukuru wechimwe chikwata cheCCC vari kudivi raVaNcube, VaSengezo Tshabangu asi vose vange vasiri kudaira nharembozha dzavo.
Forum