Mutungamiri wechimwe chikwata chebato rinopikisa reCitizens Coalition for Change VaJameson Timba nevamwe vebato ravo vanodarika makumi manomwe vavakasungwa navo nemusi wesvondo vacharamba vari mutirongo kusvika svondo rinouya sezvo pasati papihwa mutongo pachikumbiro chavo chekuti vatongwe vachibva kumba.
Rimwe gweta revasungwa ava VaAgency Gumbo vaudza Studio 7 kuti mejastititi ati vasungwa ava vadzoke kudare nemusi weChipiri.
Vakasungwa ava vaida kucherechedza zuva remwana wemuafrica kana kuti international Day of the African Child vari pamba pavatimba kuavondale muharare.
Asi mapurisa akabva asvika ndokutanga kuvarova zvakaipisisa achiti vaida kuratidzira.
Asi bato rinopikisa reUnited Zimbabwe Alliance rinotungamirwa naamai Elisabeth Valerio nerinorwira kodzero dzevanhu reAmnesty International ari kushora zvikuru kusungwa kwevanopikisa ava achiti kuvambunyikidza.
Forum