Bato remaRepublican muAmerica Rinodoma VaTrump Zviri paMutemo Kuti Varimirire muSarudzo yeMutungamiri weNyika

Bato remaRepublican muAmerica ratanga musangano waro mukuru weNational Convention kuMilwaukee mudunhu reWisconsin richidoma zviri pamutemo VaDonald Trump semunhu achamirira bato iri musarudzo yemutungamiri wenyika muna Mbudzi gore rino.

Musangano uyu wadomawo VaJames David Vance, vanove Seneta wedunhu reOhio, semutewedzeri waVaTrump musarudzo idzi.

Izvi zviri kuuya mazuva maviri mushure mekupfurwa kwaVaTrump nemurume aida kuvauraya pamusangano wavakaita wekutsvaga rutsigiro kuPennsylvania.

Musangano uyu uri kuitirwa paFiserv Forum Arena kuMilwaukee, Wisconsin kwemazuva mana.

VaTrump vanoti vakakuvara panzeve uye chiitiko ichi chiri kushorwa zvikuru nemutungamiri weAmerica, VaJoe Biden, vachivimbisa kuti vachaita zvese zvavanogona kuitira kuti pasave nezvimwe zviitiko zvakadayi zvichazoitika zvakare.

Muwongorori wenhau dzezvematongerwo enyika vari mugari wemudunhu reOhio, VaTim Muringai, vanoti vanotarisira kuti musangano wemaRepublicans uyu uchaenderera mberi zvakanaka pasina chinokanganisa.

Embed share

Hurukuro naVaTim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:30 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player