VaTrump Votarisirwa Kutaura Zvekubatanidza Nyika paMusangano weBato Ravo

Vaimbova mutungamiri wenyika yeAmerica VaDonald Trump vari kutarisirwa mangwana mangwanani kutambira zviri pamutemo kusarudzwa kwavo kuti vatungamirire bato remaRepublicans musarudzo yemutungamiri wenyika muna Mbudzi.

Bato ravo riri kupeta hurongwa hwaro hwemazuva mana kana kuti Republican National Convention kuMilwaukee mangwana zvakare.

Nyanzvi munyaya dzezvematongerwo enyika Muzvinafundo Moses Rumano vanodzidzisa paNorth Central State College muOhio muno muAmerica vanoti vanoona sekuti VaTrump mumashoko avo vachataura zvekubatanidza nyika mushure mekuda kupfuudzwa.

Aka ndekekutanga VaTrump vachitaura paruzhinji kubva mumwe munhu ayedza kuvauraya nemusangano nevatsigiri vavo kuPennsylvania nemusi weMugovera.

VaTrump vari kukwikwidzana musarudzo iyi nemutungamiri weyika uye bato remaDemocrats VaJoe Biden avo vazivisa kuti vambomira kutsvaga rutsigiro sezvo vakabatwa nechirwere cheCovid -19.

Mangwana mhuri yaVaTrump ichabatana navo kumusangano webato ravo uko vari kutarisirwa kukurudzira kubatana munyika zvichitevera kuda kupfurwa kwavo.

Embed share

Hurukuro naMuzvinafundo Moses Rumano

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:34 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player