Chimwe chiZvarwa cheZimbabwe Chiri muChirongwa cheMandela Washington Fellowship, Muzvare Muzadzi, Vofadzwa neKuve Mumwe Akasarudzwa

Chimwe chizvarwa cheZimbabwe chinoshanda nesangano reGrace Hope Foundation, Muzvare Nyasha Muzadzi, vanoti vari kufadzwa nekunge vari mumwe weavo vakakwanisa kusarudzwa kuve muchirongwa cheMandela Washington Fellowship For Young African Leaders (YALI) icho chinokokerwa nehurumende yeAmerica.

Chirongwa ichi chakatanga mugore ra2014 uye gore rino chasvitsa makore gumi chatangwa.

Muzvare Muzadzi, avo vakasvikira kuDelaware kwavakagara kwemavhiki mashanu apfuura, vanoti vadzidza zvakawanda muchirongwa ichi zvavanoti vachanoshandisawo kupakurira vamwe kana vadzokera kumusha.

Chirongwa cheMandela Washington Fellows chinotora vechidiki vanobva kuAfrica vanosvika mazana manonwe uye gore rino chine vadzidzi vakabva kuZimbabwe vanosvika makumi mana nevaviri.

Muzvare Muzadzi vanoshanda mukurwira kodzero dzemadzimai nevanasikana vari muHarare.

Vanoti vachange vari muWashington DC kwevhiki rino vasati vadzokera kumusha.

"Chirongwa ichi chiri kufamba zvakanaka uye nhasi chavhurwa zviri pamutemo apo tanzwa kubva kune vamwe vechidiki vekunedzimwe nyika nevamwe nengo dzehurumende yeAmerica," Muzvare Muzadzi vaudza Studio7.

Embed share

Hurukuro naMuzvare Nyasha Muzadzi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:13 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player