Mumiriri weAmerica kuUnited Nations Amai Linda Thomas-Greenfield vaudza dare reUN nhasi kuti America iri kutsigira kuti Africa iphwe zvigaro zviviri mudare reSecurity Council.
Vati mabasa ari kubatwa neKenya kuHaiti pasi peUN muenzaniso wekukosha kweAfrica.
AmaiThomad-Greenfield vakurudzirawo kuti nyika dzemu Caribbean dzipihwe chimwe chigaro chadzinopota dzichichinjana.
Amai Greenfield vati kuita izvi kunopinza mutungamiri wenyika yeAmerica VaJoe Biden munhoroondo yepasi rose sezvo vagara vachipa kurudziro iyi.
Kanzuru yeSecurity Council parizvino ine nyika shanu dzisingabude dzinoti Russia, United Kingdom, United States, China neFrance. Vatungamiri venyika dzemuAfrica vagara vachipa kurudziro yekuti dare iri rivandudzwe.
Nyanzvi munyaya dzezvematongerwo enyika Muzvinafundo Ricky Mukonza vanodzidzisa paTswane University of Technology vanoti vanoona sekuti Egypt neSouth Africa ndidzo dzinemukana wekutora zvigaro izvi kana zvikabudirira.
Forum