Hurumende Yazotenda Kuti Chikopokopo Chakadonha Chaifanira Kuzotakura VaMnangagwa

Gurukota rinoona nezvekuburitswa kwemashoko VaJenfan Muswere vaburitsa mashoko kuvatori venhau vachiti chikopokopo chakadonha nezuro kuMasvingo chaifanira kuzotakura mutungamiri wenyika VaEmmerson Mnanngagwa. VaMnangagwa vainge vari kuMasvingo pamhemberero yebhavhudhe ravo.

VaMuswere vati mutungamiri wenyika aifamba nemudzimbai wake, Amai Auxilia Mnangagwa, mumwe mutevedzeri wavo VaKembo Mohadi, uye gurukota rezve kudzivirirwa kwenyika Amai Oppa Muchinguri Kashiri.

Vatiwo bazi reCivil Aviation Authority of Zimbabwe kana kuti CAAZ riri kuferefeta nyaya iyi. Asi nyanzvi munyaya dzezvematongerwo enyika Muzvinafundo Ricky Mukonza vanoti zvainge zvakakosha kuti hurumende ikurumidze kuzivisa vanhu zvakaitika kuti pasaite zvekufungidzirana.

Izvi zviri kuuya mubato riri kutonga reZanu-PF muine kunetsana panyaya yehutungamiri vamwe vachiti vari kuda kuti VaMnangagwa varambe vari panyanga asi vamwe vachiti mumwe mutevedzeri wavo VaConstantino Chiwenga vatungamire nyika.

Embed share

Hurukuro naMuzvinafundo Ricky Mukonza

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:45 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player