Vanhu vanosvika mamiriyoni makumi matanhatu kana kuti 60 milllion vanonzi vatovhota muAmerica pamberi pesarudzo dziri kuitwa nemusi weChipiri svondo rinouya.
America inobvumidza vanhu kukurumidza kuvhota vachitumira magwaro avo kana kuti kuenda kunzvimbo shoma dzinenge dzakakurumidza kuvhurwa.
Nhasi mutevedzeri wemutungamiri wenyika yeAmerica Amai Kamala Harris veDemocratic Party nevaive mutungamiri wenyika VaDonald Trump veRepublican Party vari kuArizona neNevada kwavari kutsvaga rutsigiro. Asi kuendesana kumatare kuri kuramba kuchienderera mberi.
Nezuro dare repamusoro soro reSupreme Court rakatambira zvakaendeswa kudare iri nagavhuna wedunhu iri vari nhengo yebato reRebublican Party zvekuti vamwe vanhu vabviswe pagwaro revavhoti vachinzi vainge vasisiri kugara mudunhu iri. Izvi zvange zvichipikisa neveDemocratic Party.
Gweta rinorwira kodzero dzevanhu vachishanda nesangano reAll Hands on Justice VaKenndey Masiye vaudza Studio 7 kuti zviri kuitwa izvi kuchenesa gwaro revavhoti uye hazvingadzi sarudzo dziri kubirirwa.
Forum