Mutungamiri wenyika yeAmerica VaJoe Biden nhasi vatura mashoko avo nezvesarudzo vachiti zvakakosha kutambidzana masimba murunyararo.
VaBiden vataura vari muRose Garden pamuzinda weWhite House muWashington DC.
Vati vakoka VaTrump kuWhite House kuti vataure nezvekugamuchidzina masimba. Mutauriri waVaTrump, VaSteven Cheung vati VaTrump vabvuma kusangana naVaBiden vachivatenda nekutora danho iri.
VaBiden vati vakatokorokotedza VaTrump avo vamirira kutora mhiko yekutungamira nyika musi wa 20 Ndira, 2024.
Vatiwo vakataura nemutevedzeri wavo Amai Harris avo vakakundwa musarudzo naVaTrump. VaBiden vati vanhu havafanire kuda nyika kana vakunda chete.
Vati kutambira zvabuda musarudzo nekutambidzana tsvimbo yekutungamiri murunyararo ndizvo zvinosimbisa hutongo hwejekerere.
VaBiden vati vanotambira zvakasarudzwa nevanhu. Vati vanhu vanofanira kubatana zvisinei nekuti vakavhotera ani. Vatiwo sarudzo dzemuAmerica dzinoitwa pajekerere.
Forum